Ayon sa
Department of Health ng Hong Kong, nakatanggap sila ng ulat ng isang
kaso ng enterovirus 71 (EV71) at tatlong kaso ng hand, foot, and mouth
disease (HFMD) outbreaks sa mga paaralan sa Wan Chai, Yau Tsim Mong,
Tsuen Wan, Tuen Mun, Eastern, Kowloon City, Kwai Tsing, Sha Tin, Yuen
Long, Sham Shui Po, Kwai Tsing at mga distrito sa Sai Kung, sa loob ng
24-oras na panahon na nagtapos noong katanghalian ng ika-14 ng Hulyo.
Sa kabuoan,
mayroon nang naiulat na 568 na HFMD institutional outbreaks, habang 73
na ang bilang ng mga nabiktima ng EV71 ngayong taon.
Kasama sa
mga posibleng simptomas ng EV71 at HFMD ang lagnat, pamamantal,
panlalamig, pagkahilo, sakit ng ulo, at pagkasira ng tiyan.
Dahil wala
pang idinedeklarang pagsara ng mga paaralan dulot ng paglaganap ng HFMD,
hinihikayat ng Konsulado Heneral ng Pilipinas ang ating mga kababayan na
sundin ang mga sumusunod na hakbang upang maiwasang mahawaan ng EV71 at
HFMD:
-
Siguraduhing may magandang sirkulasyon ng hangin;
-
palaging
maghugas ng kamay bago kumain at pagkatapos bumahing, gumamit ng
palikuran o kung humawak ng diaper;
-
takpan
ang ilong at bibig kapag bumabahing o umuubo;
-
linisin
ang mga laruan ng mga bata at iba pang kagamitan sa pamamagitan ng
1:49 diluted household bleach at banlawan/punasan ng malinis na
tubig pagkatapos;
-
huwag
munang papasukin sa paaralan ang mga batang may lagnat o pamamantal;
-
iwasang
pumunta sa mga matataong lugar.
Samantala,
isang 74-gulang na lalaki naman ang namatay sanhi ng necrotising
fasciitis o flesh-eating disease noong ika-8 ng Hulyo.
Ang
necrotising fasciitis ay isang malalang bacterial infection na sumisira
ng soft tissue at fascia. Maari itong makamatay sa loob lamang ng 12
hanggang 24 oras matapos maimpeksiyon.
Pinapaalalahanan ang ating mga kababayan na sundin ang mga sumusunod na
hakbang upang makaiwas sa impeksiyon:
-
Iwasang
malubog ang mga sugat sa tubig dagat;
-
Linisin
at takpan ang mga sugat;
-
Magsuot
ng gwantes na gawa sa goma kapag humahawak ng hilaw na shellfish.
Para sa
karagdagang kaalaman, bisitahin lamang ang Web site ng Centre for Health
Protection sa www.chp.gov.hk.
